Часы пасхальные

Часы пасхальные Интернет-магазин Православный. Церковная лавка

Христос воскресе из мертвых, смертию смерть поправ и сущим во гробех живот даровав. (Трижды)

Воскресение Христово видевше, поклонимся святому Господу Иисусу, Единому Безгрешному. Кресту Твоему поклоняемся, Христе, и святое Воскресение Твое поем и славим. Ты бо еси Бог наш, разве Тебе иного не знаем, имя Твое именуем. Приидите вси вернии, поклонимся святому Христову Воскресению: се бо прииде Крестом радость всему миру. Всегда благословяще Господа, поем Воскресение Его: распятие бо претерпев, смертию смерть разруши. (Трижды)

Предварившыя утро яже о Марии, и обретшыя камень отвален от гроба, слышаху от ангела: во свете присносущнем Сущаго, с мертвыми что ищете яко человека? Видите гробныя пелены, тецыте и миру проповедите, яко воста Господь, умертвивый смерть, яко есть Сын Бога, спасающаго род человеческий.

Аще и во гроб снизшел еси, Безсмертне, но адову разрушил еси силу, и воскресл еси яко победитель, Христе Боже, женам мироносицам вещавый: радуйтеся, и Твоим апостолом мир даруяй, падшим подаяй воскресение.

Во гробе плотски, во аде же с душею яко Бог, в рай же с разбойником, и на престоле был еси, Христе, со Отцем и Духом, вся исполняяй, неописанный.

Слава: Яко Живоносец, яко рая краснейший, воистинну и чертога всякаго царскаго показася светлейший, Христе, гроб Твой, источник нашего Воскресения.

И ныне: Вышняго освещенное Божественное селение, радуйся: Тобою бо дадеся радость, Богородице, зовущим: благословенна Ты в женах еси, Всенепорочная Владычице.

Господи, помилуй. (40 раз)

Слава Отцу и Сыну и Святому Духу, и ныне и присно, и во веки веков, аминь.

Честнейшую херувим и славнейшую без сравнения серафим, без истления Бога слова рождшую, сущую Богородицу Тя величаем.

Христос воскресе из мертвых, смертию смерть поправ и сущим во гробех живот даровав. (Трижды)


Благодарим Вас за Ваш визит на наш сайт и то, что Вы прочитали текст молитвы, хотим напомнить, что если вы хотите купить иконы, то это легко сделать на страницах нашего интернет каталога.


На страницах нашего сайта Вы всегда сможете купить рукописные иконы или же прочитать много интересной информации о молитвах. Также у нас большой каталог икон и отдельная страница, где Вы можете купить четки. Помимо этого рекомендуем Вам обрать особое внимание на наш онлайн каталог крестов.

< Назад к списку молитв

Рекомендуемые товары